د “زرغون میراث” نهالکاري کمپاین – پوهنتون پولی تخنیک کابل
د اقلیم او چاپېریال د همغږۍ پلاتفورم (CECOP) او د اړیکو دفتر (TLO) د نهالکاري کمپاین په لړ کې، دا ځل پروګرام د پوهنتون پولی تخنیک کابل کې د ۶ حمل ۱۴۰۳ نېټه ترسره شو.
ګډونوال
په دې پروګرام کې د دولتي ادارو استازي ګډون درلود:
- د ملي چاپېریال ساتنې اداره
- د کرنې، مالدارۍ او اوبو لګونې وزارت
- د کابل ښاروالۍ
- د معلوماتو او فرهنګ وزارت
او همدارنګه د نړیوالو بنسټونو استازي، لکه: - د ملګرو ملتونو ځانګړې استازي د افغانستان لپاره
- د اروپا اتحادیې سفیر د افغانستان لپاره
ګډونوالو کې د پوهنتون استادان او محصلین هم شامل وو.
د پروګرام موضوع
په دې پروګرام کې د نهالکاري اهمیت د اقلیم د بدلون پر وړاندې د مبارزې، د شنه تفکر ترویج او د چاپېریال د ساتنې په اړه وڅیړل شو.
مهم ویناوال او خبرې
- ډاکټر زین العابدین عابد، د ملي چاپېریال ساتنې ادارې معین، وویل چې که څه هم افغانستان د ګازونو د خپرولو په برخه کې لږه برخه لري، خو د پرمختللو هېوادونو د صنعتي فعالیتونو اغېزو لاندې دی. د اقلیم د بدلون د اغېزو کمولو یوه مؤثره لار د نهال غرس کول دي.
- آغلې روزا اوتونبایوا، د ملګرو ملتونو ځانګړې استازي د افغانستان لپاره، وویل چې موږ نه یوازې نهال غرسوو، بلکې د امید، سولې او پراختیا تخمونه هم کرلو. د طبیعت د ساتنې سره، طبیعت موږ ته د پایدار ژوند ډالۍ راکوي. هغې همدارنګه وویل چې د اقلیم د بدلون کنفرانس (COP 2024) لپاره هڅه کوي چې افغانستان هم برخه واخلي.
- مولوي صدراعظم، د کرنې، مالدارۍ او اوبو لګونې وزارت معین، د نهالکاري اهمیت د اسلام له نظره تشریح کړ او وویل چې پیغمبر محمد (ص) د خپل امت هڅونه کړې چې زراعت او باغداري وکړي، ترڅو انسانان، حیوانات او مرغان ترې استفاده وکړي او دا د صدقې حساب کېږي.
- آغلې رافیلا ایودیس، د اروپا اتحادیې شارژدافیر د افغانستان لپاره، وویل چې د دې پروګرام او نورو نهالکاري پروګرامونو اهمیت په دې کې دی چې سره له توپیرونو موږ کولی شو په ګډه د اقلیم د بدلون پر وړاندې مبارزه وکړو. هغې زیاته کړه چې اروپا د ملګرو ملتونو، ملي او نړیوالو بنسټونو سره په ګډه د افغانستان د خلکو ملاتړ ته ادامه ورکوي.
- مولوي سعدالدین سعید، د معلوماتو او فرهنګ وزارت معین، په عامه پوهاوي د نهالکاري او ساتنې د اهمیت ټینګار وکړ.
- مولوي عبدالوکیل متوکل، د کابل ښاروالۍ د شنهوالي رئیس، د نهالکاري ثواب د دین مقدس اسلام له نظره یاد کړ او وویل چې ونهګان د باران راجلبول، د هوا پاکول، د تودوخې کمول، د کاربن جذب، د اکسیجن تولید، د مرغیو راجلبول او د ښار ښکلا او شنهوالي سبب کېږي.
پایله
پروګرام د ګډونوالو لخوا د نهالونو په غرسولو سره پای ته ورسېد او د پوهنتون په صحنه کې یې د شنه چاپېریال ښکلی مثال جوړ کړ.
#CECOP
#PlantationCampaign
#Afghanistan
