د پلاستیکي ککړتیا پای ته رسول
نن د چاپېریال نړیواله ورځ ده!
یوه مهمه ورځ چې موږ ته د چاپېریال د ساتنې په برخه کې زموږ ګډ مسؤلیت راپه زړه کوي. سږکال دا ورځ د "د پلاستیکي ککړتیا پای ته رسول" تر شعار لاندې نمانځل کېږي.
په همدې مناسبت، غواړو د یوه اغېزناک ښوونیز پروګرام یادونه وکړو چې د جوزا پر ۱۲مه (۲ جون) د بغلان ولایت په پلخمري ښار کې ترسره شو.
دغه ښوونیز پروګرام د د اقلیم او چاپېریال د همغږۍ پلاتفورم (CECOP) له خوا د د اړیکو دفتر (TLO) په همکارۍ جوړ شوی و. په دې پروګرام کې د پوهنتون استادانو او محصلینو، د چاپېریال فعالانو، د ځنګلونو د مدیریت د انجمنونو (FMAs) او نورو اړوندو بنسټونو استازو ګډون وکړ څو د اقلیمي بدلونونو او د هغو د پایلو په اړه خپلې پوهې لوړې کړي. د پروګرام موخه د خلکو د عامه پوهاوي لوړول او د چاپېریال د ساتنې لپاره د ګډ کار هڅونه وه.
د چاپېریال د نړیوالې ورځې په مناسبت، ځانګړې معلومات وړاندې شول چې د پلاستیکي ککړتیا جدي خطرونه د چاپېریال، وحشي ژوو او د انسان روغتیا لپاره روښانه کړل. همدارنګه، د پلاستیک د کارونې د کمولو په لور د یوه عملي ګام په توګه، د پروګرام ټولو ګډونوالو ته د ټوکرۍ کڅوړې وویشل شوې څو د دوامدارو بدیلونو کارونه وهڅول شي.
پلاستیکي ککړتیا نن د نړۍ د چاپېریال له تر ټولو لویو ګواښونو څخه ده. دا ستونزه د ځمکې اوبو ته زیان رسوي، ژوي اغېزمنوي او د اقلیمي بحران په شدت کې مهم رول لري. د دې پر وړاندې مبارزه د هر فرد د پوهاوي او ګډو همکارۍ ته اړتیا لري.
د چاپېریال نړیواله ورځ ټولو ته مبارک وي! راځئ چې د کوچنیو او لویو ګامونو په پورته کولو سره خپل چاپېریال وساتو. 🌍
